இதுவரை உணரவில்லை இந்த வலியும்..!
இதுவரை கிடைக்கவில்லை எந்த சொல்லும்..!
இனியவள் தந்துவிட்ட இன்ப வலி..!
இனிஅவள் தூரமென்ற உணர்வொலி..!
அழவில்லை.. இருந்தும் ஏதோ... சின்ன பயம்..!
அளவில்லை.. கொஞ்சம் நானும்... உந்தன் வயம்..!
தொடரட்டும்.. இதன் எல்லை வரை..
துடிக்கட்டும்.. இதயம் அது வரை......மிதமாய்..!
உதற முயன்றேன் பலமுறை..! அழுது
அருகே நெருங்கினாள் இதுவரை..!
கட்டுக்கள் உடைக்குமோ நம்சிநேகம்?! - என
சட்டென விலக யத்தனிக்கிறோம்..!!
தெளிவு பிறந்ததென்று மகிழ்வதோ?!
பிரிவு வருதென்று அழுவதோ?!
புரியாது புன்னகைக்கிறோம்..! - இனி
அழுவதில்லை என்ற ஒப்பந்தத்தால்....
நீ நிராகரித்த பொழுதுகள் - நிஜமல்லாதிருக்கட்டும் என ஒரு சிற்றாசை..!
நீ வாராத நாட்கள் - நிறமற்று கடந்ததோ என ஒரு பிரம்மை..!
நீ புன்னகைத்த பொழுதுகள் - நிரந்தரமாக நின்றிருக்க ஒரு விழைவு..!
நாம் சண்டையிட்ட கணங்கள் - சரிதையில் வரையப்பட்ட நற்சிற்பங்கள்..!
எப்படி பார்த்தாலும்... நீ ஒரு வித்தியாசமான சுவாரஸ்யம்..!
விதவிதமாய் ராட்டினங்கள்..!
விளையாட்டாய் ஏறியமர்ந்தேன்..!
விந்தையாய் சுற்றியது..! ஏறியதா? இறங்கியதா?
சுழன்றதா? நின்றதா? சுழலுக்குள் எதிர்சுழல் செய்ததா?
ஏதும் புரியாதிருந்தது..!
பயந்தேனா? பற்கள் கடுமையாய் கடிபட்டனவா?
மகிழ்ந்தேனா? மனம் கொஞ்சம் சிறகடித்ததா?
இறந்தனா? இதயம் அடிக்கடி திடுக்கிட்டதா? - எனை
இழந்தனா? இமைகள் அனிச்சையாய் மூடியதா?
விளங்கி தெளிவதற்க்குள் விருட்டென நின்றது..!
மழலையானதில் மகிழ்ந்து இறங்கினேன்..! - மீண்டும்
ஏறுவனோ என்பதும் எட்டவில்லை என் சிற்றறிவிற்கு..!
"விழாமல் விழுந்தேன்..!
எழாமல் எழுந்தேன்..!
அழாமல் அழுகிறேன்..!"
என்மொழி அறிந்தவருக்கு இதன் பொருள் புரியாது..!
இதன் பொருள் அறிந்தவளுக்கு என்மொழி தெரியாது!
அட! சுவாரஸ்யமாய்த் தான் நகர்கிறது...
இந்த அயல் தேசத்து வாழ்க்கையும்..!!